Drejtuesi ekzekutiv i Këshillit të Atlantikut Frederick Kempe ka vlerësuar kryeministrin Edi Rama teksa theksoi se ai është politikani më karizmatik në Ballkan.
Këtë deklaratë Kempe e bëri në Këshillin e Atlantikut, ku i pranishëm ishte edhe vetë kryeministri shqiptar.
Mandej ai iu drejtua Ramës, dhe i tha se ai ka shansin që të pikturojë të ardhmen e Shqipërisë në Bashkimin Evropian.
“Muajt që vijnë do të jenë të ndërlikuar për rajonin, por edhe me plot mundësi. Duam të punojmë së bashku për të konsoliduar raportet tuaja për integrimin. Është koha për një mendësi të shpejtë.
Të kemi njohur që kur ishe kryebashkiak, dhe në atë kohë të gjithëve na la përshtypje ky kryebashkiak i ri.
Mjafton të thuash se Ballkani s’ka prodhuar asnjëherë një politikan kaq karizmatik dhe tashmë një kryeministër kaq karizmatik. Keni shans për të pikturuar të ardhmen e Shqipërisë në BE”, tha shefi ekzekutiv i Këshillit të Atlantikut.
