Ministri i Turizmit dhe Mjedisit Blendi Klosi ka zbuluar “pengun” e tij më të madh karshi fëmijëve.
I ftuar në emisionin “Vizioni i Pasdites” në Vizion Plus, Ministri Klosi ka pranuar se si çdo politikan , koha për të kaluar pranë fëmijëve nuk është asnjëherë e mjaftueshme dhe kjo e bën të ndhihet paska fajtor.
“ Njeriu e zgjedh vetë jetën që do të bëjë dhe natyrisht që është një problem, ose si të thuash një peng që kam karshi fëmijëve , ne nuk rimë aq sa duhet bashkë. Por realisht ne ndajmë kohë me njëri tjetrin dhe kjo falë Norës që e menaxhon kohën shumë më tepër me fëmijët dhe e menaxhon edhe për mua bashkë me ta. Ne kemi një ditë të shenjtë që është e Diela”, përfundoi Blendi Klosi.
Ministri Klosi ka treguar gjithashtu edhe disa detaja nga jeta e tij private, ku ka zbuluar për publikun dhe momentin kur ka njohur Norën, bashkëshorten e tij.
“Unë Norën e kam njohur në television, unë jepja intervista në televizionin Klan , patëm njohjen e parë. Krijuam miqësi e më pas familjen. Në pjesën e debateve dhe në marrëdhënien me gazetarët dhe median më ndihmon shumë”, u shpreh ai.
