Kanë dalë detaje të reja nga ngjarja e cili ngriti ditën e sotme në këmbë policinë shqiptare.
Në Krastë të Elbasanit, sot një i dyshuar, duke tentuar t’i ikë policisë së Elbasanit, është përplasur me 4 makina dhe ka plagosur 5 persona të cilët janë transportuar për në spital.
Personi në fjalë mësohet se është shtetasi Aldiron Shehu, i cili është arrestuar.
Shehu udhëtonte me një makinë tip “volkswagen pasat” me targa greke.
Ai nuk i është bindur policisë për të ndaluar dhe ka vijuar rrugën drejt Pogradecit.
Po ashtu edhe në Pogradec e Librazhd nuk i ka qëndruar postblloqeve.
Është njoftuar policia e Elbasanit e cila ka ngritur një postbllok me forca rendi dhe shqiponjash për të ndaluar të dyshuarin.
Ky i fundit nuk i ka qëndruar as postbllokut dhe ka përplasur një mjet të forcave “Shqiponja”.
Ai rezulton me precedentë penal pasi të njëjtin “episod” e ka kryer edhe gjatë vitit 2018-të.
