Bëni mirë të merrni masa paraprakisht sepse pritet që gjatë këtij muaji të ketë rënie drastike të temperaturave.
Raportohet se i ftohti polar do të zhvendoset në Ballkan, i cili do të kalojë ditët më të ftohta mes datave 5-13 shkurt.
Sipas sinoptikanëve, vorbulla e të ftohtit polar që është krijuar në veri është e detyruar të lëvizë si pasojë e rrymave të ajrit dhe ajo konkretisht po shpërthen në tre segmente.
Në vendin tonë, e enjtja dhe e premtja do të jenë ditët më të ftohta, ku në kryeqytet temperaturat do të arrijnë në -2 gradë celsius.
Përgjatë këtyre ditëve nuk do të mungojnë dhe reshjet e dëborës.
