Pas shpalljes së gjendjes së emergjencës botërore, OBSH-ja u ka bërë thirrje shteteve që të përgatiten, pasi mund të ketë shpërthime lokale të virusit misterioz kinez.
Duke qenë se virusi mund të transmetohet nga njeriu në njeri, Organizata Botërore e Shëndetësisë ka shprehur shqetësimin se rastet e raportuara jashtë Kinës mund të shërbejnë si vatra për përhapjen e mëtejshme të virusit.
“Shtetet duhet të përgatiten për importimin e mundshëm, në mënyrë që të identifikojnë rastet sa më herët që është e mundur që të jenë të gatshme të kontrollojnë shpërthimet e virusit, nëse kjo ndodh”, tha përfaqësuesi i OBSH-së, Gauden Galea.
Deri tani numri i viktimave të raportuara nga virusi ka arritur në 259, teksa janë raportuar mbi 100 të prekur. Të paktën 25 shtete kanë konfirmuar se kanë pacientë të prekur nga koronavirusi.
