Kreu i Akademisë së Shkencave, Skënder Gjinushi ka ripropozuar emrin e shkrimtarit Ismail Kadare për çmimin Nobel.
Në 84-vjetorin e lindjes së Kadaresë, Gjinushi i ka dërguar një letër Akademisë Suedeze me këtë propozim. Për shkrimtarin Ismail Kadare, kandidimi për çmimin Nobel në letërsi është e disata herë, teksa edhe vitin që kaloi ishte pretendent për këtë çmim.
Emri i tij qarkullon në listën e Akademisë Suedeze, e cila akordon çmimet më të larta në Letërsi, që në fillim të viteve ’90, kur Shqipëria doli nga regjimi komunist dhe Kadare nisi të botohej gjerësisht në rreth 30 gjuhë të botës.
