Gjykata e Posaçme e Apelit për Krimet e Rënda, ka rrëzuar kërkesën e të pandehurit Emiljano Shullazi dhe grupit të tij, për ndryshimin e masës së sigurisë. Gjatë seancës së sotme, mbrojtja e Shullazit kërkonte lirimin nga qelia e të pandehurit, dhe vijimin e gjykimit të çështjes në Apel, për një masë më të lehtë.
GJKKO nuk e ka pranuar këtë kërkesë, duke lenë për më shumë se një vit në burg Shullazin dhe të pandehurit e tjerë të grupit. Gjithashtu, në seancën e zhvilluar sot në GJKKO, ka mbërritur edhe përgjigjia e Këshillit të Lartë Gjyqësor, ku i sqaron grupit dhe Shullazit, se do të jetë kjo trupë gjykuese që e ka lënë sot në masën e sigurisë ‘arrest me burg’, ajo që do të bëjë gjykimin në Apel të çështjes.
