Boris Tadiç, ish-presidenti i Serbisë, më herët ka deklaruar se ka dashur të marrë pjesë në funeralin e ish-presidentit Rugova. Por, në atë kohë, familja e presidentit dhe institucionet e Kosovës e refuzuan kategorikisht kërkesën e tij.
Sipas zyrtarëve kosovarë në atë kohë, nuk ishte koha e duhur.
Kërkesa e Tadiç kishte ardhur në shenjë mirësjellje dhe respekti ndaj presidentit të ndjerë. Në ceremoninë e varrimit të presidentit Rugova morën pjesë shumë personalitete nga e gjithë bota. Ai vdiq më 21 janar të vitit 2006 pasi humbi betejën me kancerin.
