Pas dy tërmetet të forta që goditën vendin para pak mintuash, ka reaguar edhe Ministria e Mbrojtjes.
Përmes një njoftimi zyrtar Ministrja e Mbrojtjes njofton se nga tërmetet, nuk raportohet të ketë pasur dëme.
“Sipas informacionit paraprak nga IGJEUM, dy lekundje me magnitude 3.8 dhe 3.9 te shkalles rihter jane ndier ne Diber e Kukes. Nuk raportohen deme nga shtabet e EC ne keto dy bashki.”, thuhet në njoftim.
Dy tërmetet që goditën vendin krijuan panik tek qytetarët e Kukësit dhe të Peshkopisë. Ata dolën menjëherë jashtë banesave të tyre nga frika e ndonjë goditjeje më të madhe.
Kujtojmë tërmetin e 26 nëntorit që goditi Shqipërinë në Durrës dhe në zonat e Thumanës dhe në Laç ku u shënuan 51 viktima dhe mbi 1000 të plagosur.
