Studentët në Iran kanë hyrë në ditën e dytë të protestave, pas deklaratave të Liderit Suprem se Irani rrëzoi avionin ukrainas ku mbetën të vdekur 180 persona.
Në një video të publikuar në “Daily Mail” shihet qartë protesta e studentëve, ku turma shpreh indinjatën e saj ndaj regjimit dhe jo vendeve si SHBA-ja apo Izraeli. Nga video duket qartë, që studentët shmangin qëllimisht shkeljen e flamurëve amerikanë dhe izraelitë, për të treguar se ata respektojnë këto dy vende dhe janë kundër regjimit.
Regjimi i Ali Khamenei ka pikturuar flamujt në hyrjen kryesore të universitetit që studentët të ecin përmbi ta, si një shenjë përulje dhe mosrespektimi. Me këtë akt, ata duan të tregojnë qartë se kundërshtari i tyre nuk është SHBA-ja por lideri Suprem Ayatollah Ali Khamenei.
Protesta e studentëve është përshëndetur edhe nga presidenti i SHBA-së Donald Trump, i cili paralajmëroi liderët e shtetit islamik.
‘Për udhëheqësit e Iranit – MOS i VRISNI PROTESTUESIT TUAJ. Mijëra janë vrarë ose burgosur tashmë nga ju, dhe bota po shikon. Më e rëndësishmja, SHBA po shikon. Ktheni përsëri internetin dhe lërini reporterët të lirë! Ndaloni vrasjen e popullit tuaj iranian’, shkruante Trump në Twitter.
