Mbrëmjen e djeshme, një propozim tejet romantik ka ndodhur në studion e emisionit “Këndo këngën time”, në “Vizion Plus”. Moderatori i njohur Ardit Roshi ka ftuar në skenë partneren e tij, Blerina Bajko, e cila është vajza e aktorit të madh Agim Bajko. Në minutat e fundit të emisionit “Këndo këngën time”, Arditi ka ftuar në skenë partneren, ku dhe e ka propozuar për martesë.
“Në këtë rrugëtim të gjatë profesional, mbas kamerave më ka shoqëruar gjithmonë dikush. Është një vajzë që si ju në shtëpi, ka qeshur, ka kënduar, është shqetësuar dhe është gëzuar me këtë program.
Blerina…eja të lutem. Unë jam njeri shumë privat. Mirëserdhe, por këtë moment dua ta ndaj me ju. Do të përpiqem të të bëj vajzën më të lumtur në botë”, ka thënë ndër të tjera Arditi, para se të puthej me Blerinën dhe të merrte përgjigjen pozitive.
