Ndërhyrjet estetike janë bërë një gjë normale në ditët e sotme,teksa janë të shumtë njerëzit që kërkojnë të përmirësojnë “defektet” e tyre.
I tillë ishte edhe rasti i një nëne nga Samford, SHBA, e cila vendosi të bënte disa ndërhyrje pasi sipas saj ishte përqeshur gjithmonë kur ishte e vogël.
Ellen Gonzalez vendosi të bëjë ndërhyrjen e saj në vitin 2004, duke injektuar silikon në buzët e saj. Por ajo ende nuk ndihej e kënaqur me pamjen e saj, teksa në 2016 ajo bëri edhe një tjetër operacion për të rregulluar hundën.
Por kjo ndërhyrje e la atë me një hundë “derrkuci”, kështu që ajo kërkoi më shumë ndërhyrje për ta rregulluar.
Nëna e tre fëmijëve tregon se përveç hundës i kërkoi doktorit edhe që t’i zvogëlonte buzët. Por situata vetëm u përkeqësua, pasi buzët e saj u deformuan totalisht duke u takuar vetëm në mes dhe jo në skaje.
“Do të dëshiroja sikur të mos e prekja fytyrën time asnjëherë. Po ndjehem e shëmtuar dhe aspak tërheqëse. Për mua, ndërhyrjet ishin si mundësi për të më bërë të dukem bukur. Por tani unë nuk mund të ha ose të pi si duhet. Ushqimi më bie nga goja dhe nëse pi lëngje dhe nuk shtrihem në pozicion të duhur, edhe ata më bien. Më duhet të pi me pipë plastike”, tha ajo.
Ellen do të shkojë tek i njëjti doktor gjatë muajit shkurt, për t’u munduar ta kthejë fytyrën e saj në gjendjen e mëparshme.
