Një aksident i rëndë është regjistruar mbrëmjen e sotme në aksin rrugor Tiranë-Durrës.
Sipas policisë, një person rreth të gjashtëdhjetave ka qenë duke kaluar autostradën në zonën e Marikaj, kur është goditur për vdekje nga një fugon.
Policia ka shoqëruar në komisariat drejtuesin e mjetit, shtetasin me iniciale F. V,.
Njoftimi i policisë:
Rreth orës 17:15 në aksin rrugor Tiranë- Durrës, në vendin e quajtur “Marikaj” një këmbësor ende i paidentifikuar rreth 60 vjeç ka kaluar nga njëra anë e autostradës në tjetrën dhe për pasojë është goditur për vdekje nga fugoni tip “Benz” me drejtues shtetasin F. V, i pajisur me leje drejtimi dhe certifikatë të aftësisë profesionale.
Drejtuesi i fugonit tip “Benz” shtetasi F. V, është shoqëruar në komisariat për veprime të mëtejshme hetimore.
Policia rrugore dhe grupi hetimor ndodhen në vendngjarje, ku po vijon punën për sqarimin e rrethanave të ngjarjes si dhe identifikimin e shtetasit që ka ndërruar jetë.
