Shqipëria është në listën e zezë të Iranit. Pas sulmit ndaj dy bazave amerikane mëngjesin e sotëm, Lideri Suprem i Iranit ka folur për sulmin dhe për bashkëpunëtorët e SHBA-së.
Gjatë fjalimit të tij, pa i përmendur emrin ai ka thënë “Një vend i vogël, por shumë i keq Evropian, ku tradhtarët e Iranit bashkëpunojnë me amerikanët kundër Republikës tonë Islamike”.
Është e lehtë të bëhet lidhja me Shqipërinë pavarësisht se nuk i përmendet emri, duke qenë se vendi ynë është i vetmi në Evropë, ku janë strehuar ata të cilëve Irani u referohet si “tradhtarë”. Pikërisht, muxhahedinët e MEK, të cilët janë strehuar në Manzë në Shqipëri.
“Është një vend shumë I vogël por shumë i keq europian, ku elementë amerikanë bashkëpunojnë me tradhtarë iranianë dhe planifikojnë kundër Republikës Islamike. Plani që kishin u pa qartë, me protestat që u mbajtën në Iran, pasi disa nga ata tradhtarë erdhën në Iran për të protestuar. Agjentë armiq nisën të zbatojnë planin për të sabotuar, vrarë dhe për të shkatërruar si qeverinë ashtu dhe kushtetutën tonë”, tha ai.
Më herët, nga autoritetet shqiptare pas vrasjes së Soleimanit u njoftua për shtimin e sigurisë në kampin e Manzës.
Lideri Suprem Khamenesi foli në gjuhën farsi dhe u transmetua i përkthyer në anglisht nga “Al Jazeera”.
