Shtetet e Bashkuara të Amerikës kanë zhvilluar disa sulme të fuqishme kundër bazave ushtarake të militantëve të Iranit në Irak. Ngjarja vjen si kundërpërgjigje ndaj sulmit të disa ditëve më parë, ku sulmet me raketa dëmtuan një bazë amerikane, duke shkaktuar shumë të plagosur dhe një viktimë.
Ditën e djeshme, avionët amerikanë janë ngritur në fluturim dhe kanë lëshuar “ferrin” mbi bazat e ekstremistëve.
Si pasojë e bombardimeve amerikane në 5 objektiva të militantëve shiitë të mbështetur nga Irani raportohet të kenë humbur jetën 19 persona.
Autoritetet amerikane raportojnë se bazat e bombarduar, 3 në perëndim të Irakut dhe 2 në lindje të Sirisë fshihnin armatime për grupin e njohur me emrin Kata’ib Hezbollah.
