Duket se aktori e njëkohësisht moderatori Ermal Mamaqi ka qenë një ogur mjaft i mirë për romancën mes Gent Bejkos dhe Xhoit. Në “Soiree”, aktori i njohur, Gent Bejko ndau me publikun disa detaje se si ai është njohur me bashkëshorten e tij, Xhoin.
Genti tregoi se me Xhoin është njohur nëpërmjet Ermal Mamaqit. Atij i kishte mbetur mendja tek Xhoi, dhe i kishte kërkuar Ermalit që t’ia prezantonte, duke qenë se ishin shumë miq. Mirëpo Ermali nuk kishte pranuar duke i thënë: “Ik se nuk është për ty ajo”. Falë këmbënguljes së tij, ai kishte arritur që ta bindte Ermalin, dhe në fund ai e kishte prezantuar me Xhoin.
“Ermali ishte i mendimit që unë të mos njihesha me Xhoin. Kur i thashë që ‘ma prezanto këtë gocën, ai më thotë që ik se nuk është për ty ajo’. Jo ta prezantoj, jo s’ta prezantoj, por në fund ma prezantoi pastaj. Ermali dhe Xhoi ishin shumë miq”, tregoi Genti.
