Një minator është plagosur gjatë punës në minierën e kromit në Bulqizë. Aksidenti në punë ka ndodhur gjatë mesditës, ku është dëmtuar shtetasi me inicialet T.A.
Ky i fundit është transportuar me urgjencë në spital. Ai ndodhet në kujdesin e bluzave të bardha, jashtë rrezikut për jetën.
Njoftimi i policisë
“Rreth orës 14.00, Shërbimet e Komisariatit të Policisë Bulqizë, kanë marrë informacion se në minierën e kromit Bulqizë, është aksidentuar gjatë punës shtetasi T.A, i cili është dërguar drejt spitalit të Traumës, Tiranë për ndihmë më të specializuar, i cili ndodhet jashtë rrezikut për jetën. Grupi hetimor po kryen hetimet në vendngjarje, dhe po punohet për zbardhjen dhe shkaqet e kësaj ngjarje”.
