Autoriteti portual Durrës ka njoftuar qytetarët, se porta hyrëse në Terminalin e Trageteve do të qëndrojë e hapur deri në orën 23:00. Ky ndryshim është bërë për të përballuar fluksin gjatë festave të fundvitit. Bëhet me dije se kjo masë lehtësuese do të aplikohet deri në datën 15 janar 2020.
Njoftimi i plotë
“Ndryshon orari i hyrjes në Terminalin e Pasagjerëve. Me qëllim përballimin e fluksit përgjatë festave të fundvitit, njoftohen qytetarët që do të zgjedhin të udhëtojnë nga Porti i Durrësit se, porta hyrëse në Terminalin e Trageteve do të qëndrojë e hapur deri në orën 23:00.
Për rrjedhojë procesi i check-in, mbyllet një orë para, pra në orën 22:00. Ky vendim lehtësues do të zbatohet për periudhën 16 Dhjetor 2019 – 15 Janar 2020”.
