Policia e Elbasanit ka proceduar penalisht një 35-vjeçare, e cila punonte shefe finance pranë shoqërisë të Ujësjellës Kanalizimeve, dega Librazhd.
Sipas njoftimit të policisë, 35-vjeçarja , A.S., dyshohet se ka abuzuar me fondet e shoqërisë ku ajo punonte.
Ajo u procedua penalisht në gjendje të lirë, për veprat penale “Shpërdorimi i detyrës” dhe “Vjedhja e kryer duke shpërdoruar detyrën”.
Njoftimi i policisë:
Specialistët për Hetimin e Krimit Ekonomik e Financiar në Drejtorinë Vendore të Policisë Elbasan proceduan penalisht në gjendje të lirë, për veprat penale “Shpërdorimi i detyrës” dhe ” Vjedhja e kryer duke shpërdoruar detyrën”, shtetasen:
A.S., 35 vjeçe, banuese në Librazhd, me profesion shefe finance pranë shoqërisë të Ujësjellës Kanalizimeve, dega Librazhd, pasi dyshohet se ka abuzuar me fonde të kësaj shoqërie.
