Një ngjarje e rëndë është regjistruar mbrëmjen e djeshme në qytetin e Shkodrës.
Mësohet se një 28-vjeçar është gjetur i mbytur në një kanal vaditës, pranë banesës së tij në fshatin Kullaj. Sipas policisë, viktima është i riu L. B., i cili ishte larguar nga banesa para disa ditësh, pasi vuante nga depresioni.
Shkodër/Informacion paraprak
Më datë 07.12.2019, rreth orës 22.30, nga familjaret e tij është gjetur i mbytur në ujë në një kanal vaditës afër banesës së tij në fshatin Kullaj, Shkodër, shtetasi L.B., 28 vjeç, i cili ishte larguar nga banesa para disa ditëve dhe vuante nga depresioni.
Nga këqyrja paraprake nuk janë konstatuar shenja dhune dhe shkaku i vdekjes dyshohet nga mbytja në ujë.
