Një shqiptar është dëbuar nga Italia, pasi konsiderohet i rrezikshëm për sigurinë kombëtare të vendit fqinj. Mësohet se 32 vjeçari Florian Saraçi, banues në në Villorba të Trevizos është përfshirë në rrjetet radikale islamike.
Ai ka qenë nën mbikqyjen e antiterrorist për më shumë se dy vjet dhe gjatë hetimit është gjetur lidhje e tij me shoqata fetare të huaja. Këto shoqata në Itali njihet për frymën ekstreme të islamit. Fillimisht i riu shqiptar, ka qenë një emigrant i zakonshëm, i cili punonte si murator. Por, prej 2018, ai hoqi dorë nga puna, ndryshoi stilin e veshjes, duke lenë mjekër dhe filloi praktikat e fesë islame.
Mësohet se në shkurt të 2019, drejtësia italiane e dënoi me 1 vit heqje lirie për keqtrajtim e dhunë familjare ndaj bashkëshortes dhe vajzës së tyre.
Dënimi ka ardhur pasi detyronte gruan të vishte vetëm veshje myslimane e të frekuentonte xhaminë. Atij i është tërhequr leja e qëndrimit afatgjatë dhe do të kthehet në Shqipëri, pasi përbën rrezik kombëtar.
