Sizmologu Llambro Duni ka konfirmuar se aksilograma e tërmetit të 26 nëntorit nuk është regjistruar nga stacioni i Durrësit.
I ftuar në studion e “Open” në Top Channel, Duni u shpreh se aktualisht dihet gjithcka për pasgoditjet në Durrës e Tiranë. Por sipas tij nuk ka ende të dhëna për të njohur realisht se kush ka qenë forca në terma fizikë në sipërfaqe të tokës në 26 nëntor në Durrës.
Ai shtoi se në atë kohë është ndërprerë energjia dhe është rivendosur pas gjysmë ore.
“Ne po përpiqemi ta rikuperojmë, unë nuk kam çfarë fsheh, është ndërprerë energjia dhe është rivendosur pas gjysmë ore. Ndërkohë nuk ka funksionuar asgjë, ne duhet të kishim UPS dhe kështu është kjo punë. Shpresojmë ta rikuperojmë. Ne nuk po hyjmë dot në sensorë në memorie për ta manipuluar dhe për ta tërhequr të dhënën. Kjo do të thotë se ne njohim gjithçka që ka ndodhur në 21 shtator dhe të gjitha pasgoditjet e tërmetit të 26 nëntorit në Durrës e Tiranë, presim të rikuperojmë atë rekordin e 26 nëntorit në Durrës”, tha ai.
