Në një kohë kur prokurorët dhe gjyqtarët janë nën ethet e procesit të Vettingut, i cili ka nxjerrë nga sistemi shumë përfaqësues të organeve të drejtësisë, prokurorja Elisabeta Imeraj ka dhënë një mesazh të fortë.
Nga tryeza “bashkë kundër dhunës”, drejtuesja e Prokurorisë së Tiranës, Elisabeta Imeraj, ka përcjellë mesazhin se problemet e përditshme të shoqërisë shkojnë përtej atyre që shfaqen çdo ditë në media.
“Në media flitet shpesh për korrupsionin. Por njerëzit jetojnë dhe kanë problematika të përditshme, që shkojnë përtej problemeve që lidhen me atë që quhet korrupsioni galopant.
Dhe këto probleme janë po aq të rëndësishme sa të atyre njerëzve që mbushin gazetat dhe ekranet e televizioneve përditë. Ndaj edhe dhuna ndaj grave është një fenomen që duhet trajtuar më shpesh”.
