Edhe njerëzit me një jetë modeste mund të japin shembujt frymëzues për të gjithë. Amerikani Dejl Shreder, punoi gjatë gjithë jetës si marangoz në një zonë rurale në shtetin e Ajouas. Ai pati një jetë shumë modeste. Kishte vetëm 2 palë xhinse blu, një palë për punë dhe një palë për të shkuar në Kishë të dielave. Kur vdiq, la pas vetëm disa sende: dy palë xhinset dhe një kamion të ndryshkur Shevrole.
Delj nuk u martua asnjëherë dhe nuk pati fëmijë. Ai u lind dhe u rrit në një familje shumë të varfër, dhe nuk pati mundësi të vazhdonte universitetin. Punoi për 67 vjet pa ndërprerje në një punishte, dhe nga puna e tij arriti të kursente shumën e pabesueshme të 3 milionëve dollarëve. Pak muaj përpara vdekjes së tij në vitin 2005, në moshën 86-vjeçare. Shreder i tha avokatit të tij Stiv Nielsen, se donte që kursimet e tij t’u shpërndaheshin të varfërve.
Falë parave që ai mblodhi, 33 adoleshentë nga zona e tij patën mundësinë të studiojnë në universitet. Shumë prej tyre janë sot mjekë apo dhe profesorë në fusha të ndryshme. Përfituesi i fundit që mori 80.000 dollarë nga paratë e Shreder, u diplomua këtë vit si fizioterapist. Edhe pse Delj nuk pati fëmijë, 33 mjekët, mësuesit, dhe profesionistët e tjerë, do ta quajnë përherë veten “Fëmijët e Dejlit”./ TIRANA TODAY
