Pas takimit me kreun e shtetit, ish-kryeministri Sali Berisha iu përgjigj pyetjeve të gazetarëve.
Njëra nga pyetjet ishte nëse do vepronte Berisha njësoj si Meta, i cili pak kohë më parë deklaroi se “Parlamenti me një dekret shpërndahet”.
Ai e konsideron të papranueshme qeverisjen në parlament pa opozitën, duke shtuar se po të ishte për të Kuvendi do mbyllej që shtatorin e vitit që kaloi.
“Ti servirësh shqiptarëve si parlament ndërkohë që kushtetuta e ka përcaktuar 140 deputetë, unë s’mund të them sikur të kisha qenë se s’më lejohet por ai parlament për mua e meritonte mbylljen, gozhdimin e dyerve që në shtatorin e vitit që shkoi”, tha ai.
