Gjykata e Apelit ka lënë në fuqi masën e sigurisë “arrest me burg” për Redjan Rrajën. I cili u arrestua si autori i dyshuar i atentatit te mbikalimi i Shkozetit, ndaj prokurorit të Durrësit Arjan Ndoja, Aleksandër Laho dhe shoferit Andi Maloku.
Gjykata e Krimeve të Rënda e la në burg 34-vjeçarin. Por ky i fundi apeloi vendimin. Trupa gjykuese e Apelit që ka shqyrtuar ankimin e Redjan Rrajës përbëhej nga Saida Dollani, Nure Dreni dhe Albana Boksi.
U “tradhtua”nga shenjat e gishtave, Redjan Rraja del sot para Gjykatës
Sakaq, avokati i tij mbrojtës, Besnik Çerekja ka deklaruar se klienti i tij nuk është i përfshirë në këtë atentat.
“Nuk ka asnjë lidhje me ngjarjen, nuk ka asnjë lidhje me gjurmët e gishtave të pretenduara të gjetura te syzet dhe me të gjithë njerëzit e përfshirë në këtë histori”, ka thënë avokati.
U kap teksa ikte nga Shqipëria, provat që çuan në arrestimin e Redjan Rrajas
