Pas grabitjes në Fushë Milot, ku 3 persona të maskuar vodhën kasafortën e një çifti të moshuar, ka ardhur edhe reagimi i zonjë së shtëpisë.
Në një prononcim për News24, Hume Shabani ka treguar të gjithë vijën e historisë se si ndodhi grabitja. Ajo tregon se 3 persona të maskuar u paraqitën në shtëpinë e saj si shokët e djalit, i cili ndodhet i arrestuar në Itali.
Paraqiten si shokët e djalit, 3 persona i vjedhin paratë çiftit të moshuar
Sipas saj, ata kanë arritur ta hapnin kasafortën me një gur fresibël. Ajo tha se u përpoq ta telefononte policinë por ata i kishin marrë telefonin. E moshuara shtoi se në kasafortë gjendeshin të ardhurat e të gjithë fëmijëve të cilët punonin prej 30 vitesh në emigrim.
“Ka ndenjur burri me vajzën ca kohë në Tiranë, ajo ka punuar dhe i ka futur eurot këtu me i ruajt e shkreta. Kalamajtë kanë 30 vjet andej që punojnë. Ishin 3 veta. Unë u thashë si vini pa një kryetar komune apo dhe me një operativ zone. I thashë se ku e gjetët shtëpinë time?!Ishin të maskuar. Njëri prej tyre, ishte i vogël, e hoqi maskën dhe tha; ‘mos u tremb’. Por jam operuara dhe nuk shoh mirë. Ai e vuri prapë maskën. Njëri ruante që nga rruga. Kishin parë gur freksibël. U thash; “a jeni diversant? Si e prekni gjënë e huaj”. Ishte ora rreth 17:00. Plaku ishte duke pirë kafe me një bashkëfshatar. Kur e kuptova se ishin hajdutë doja të merrja policinë në telefon, por nuk më lanë. Ma morën celularin. Më thoshin; ku e ke djalin? Ka dalë djali nga burgu? ku ke armë? Ka lënë djali armë? Më pas e kuptova. Ata ikën dhe morën të gjitha. Më pas dola poshtë dhe njoftova plakun. Plaku desh vdiq. Policia erdhi më pas. Djali është në burg (ne burg ne Itali). Se di për çfarë e morën. Xhevair Shabani e ka emrin djali im. Po bën gati 1 vite e gjysmë ne burg”, tha e moshuara.
