Roko Vata, djali i ish-kapitenit të Kombëtares, Rudi Vata, ka zgjedhur të jetë pjesë e Irlandës, ku pritet të bëjë edhe debutimin e tij me 15-vjeçarët, në ndeshjen kundër Polonisë.
Sipas Rudi Vatës, ndryshe nga Shqipëria, Irlanda ka qenë në kontakt dhe ka shfaqur interes dhe respekt për djalin e tij 14-vjeçar. I cili është pjesë e akademisë së Sëlltikut.
Në një prononcim për “thescottishsun”, ish-kapiteni i Kombëtares deklaroi se djali i tij nuk do të luajë asnjëherë për Shqipërinë, për sa kohë FSHF nuk tregon asnjë lloj respekti, dëshire apo profesionalizmi për Roko Vatën.
“Askush nga FSHF nuk më kontaktoi me mua për Rokon. E di që edhe Skocia e ka vëzhguar, por federata irlandeze ishte e para që ra në kontakt. Gjyshja e tij është gruaja më e lumtur irlandeze në Skoci!
Njerëzit në Shqipëri e dinë përmes rrjeteve sociale se ai është zgjedhur nga Irlanda. Por nëse Shqipëria do të kishte qenë profesionistë, të tregonte ndonjë interes dhe të bënte detyrat e shtëpisë, ata do ta kishin njohur që Roko po luante për Sëlltik dhe do të kishin kontaktuar me mua.
Ata nuk treguan asnjë lloj respekti, dëshire apo profesionalizmi dhe nëse nuk e bëjnë këtë, ai kurrë nuk do të luajë për Shqipërinë.
Nuk mund ta diktoj vendimin e tij. Çdo gjë mund të ndodhë në të ardhmen, por është Irlanda që ka qenë në kontakt dhe ka shfaqur interes dhe respekt. Roko është e lumtur që është e përfshirë Irlandën dhe shpresoj që gjithçka do shkojë mirë! Ai ka potencialin për të qenë një lojtar special”, u shpreh Vata.
