Një 24-vjeçar ka rënë në prangat e policisë, pasi është kapur me lëndë narkotike. Bëhet fjalë për shtetasin me inicialet V.D., 24 vjeç, banues në Lushnje. Gjatë kontrollit, të riut iu gjetën doza kokaine në makinë, ndërsa u konstatua se ai nuk posedonte as leje drejtimi të mjetit.
Arrestimi i të riut është bërë pasi është kapur nga shërbimet e policisë duke drejtuar automjetin tip “Toyota”, i pa pajisur me leje drejtimi.
Njoftimi i policisë
“Drejton automjetin i pa pajisur me leje drejtimi, si edhe gjatë kontrollit i gjendet lëndë narkotike kokainë, arrestohet në flagrancë nga policia rrugore.
Specialistët e Sektorit të Policisë Rrugore në Drejtorinë Vendore të Policisë Fier, arrestuan në flagrancë shtetasin: V.D., 24 vjeç, banues në Lushnje.
Arrestim i këtij shtetasi u bë pasi është kapur nga shërbimet e policisë, duke drejtuar automjetin tip “Toyota”. I pa pajisur me leje drejtimi, si dhe gjatë kontrollit në mjet i janë gjetur 2 doza me lëndë narkotike e dyshuar kokainë”.
