Një 35-vjeçare ka ndërruar jetë si pasojë e një aksidenti shënuar pasditen e kësaj të shtune në Kamëz. Ngjarja ka ndodhur në rrugën “Demokracia” në kryqëzim me Bulevardin “Blu”.
Sipas një informacioni paraprak, automjeti me drejtuese shtetasen me iniciale B.D., ka përplasur këmbësoren P.A., 35 vjeçe.
Policia ndodhet në vendin e ngjarjes dhe po punon për zbardhjen e plotë të ngjarjes.
Informacion zyrtar:
Rreth orës 17:35 në rrugën “Demokracia” në kryqëzim me Bulevardin “Blu” automjeti me drejtuese shtetasen B.D, ka përplasur këmbësoren P. A., 35 vjeçe.
Si pasojë e përplasjes, këmbësorja P. A ka ndërruar jetë.
Shtetasja B. D është shoqëruar në komisariat për veprime të mëtejshme hetimore.
Policia rrugore ndodhet në vendngjarje ku po vijon punën për sqarimin e rrethanave të ngjarjes dhe shkakut të aksidentit.
