12 persona kanë përfunduar në pranga në Bosnje dhe Hercegovinë, pasi akuzohen për përfshirje në kurdisje të ndeshjeve. Në mes të arrestuarve janë arbitra dhe zyrtarë futbolli.
Ata janë të përfshirë në “kërkimin dhe marrjen e dhuratave dhe përfitimeve të tjera” për të rregulluar rezultatin e ndeshjeve gjatë sezonit 2018-2019, shkruan Rel.
Sipas një njoftimi të Zyrës së Prokurorit në Bosnje thuhet se të dyshuarit përballen me akuza për krim të organizuar, korrupsion dhe keqpërdorim të pozitës.
Për këtë vepër, autoritete kanë arrestuar 12 persona, si dhe ka konfiskuar telefona celularë dhe sende të tjera që mund të shërbejnë si prova në hetime.
