Kryeministri Edi Rama ka reaguar lidhur me lajmin që qarkullonte në media se shkak për anulimin e takimit me presidentin e Maqedonisë së Veriut, Stevo Pendarovski, është bërë gjendja e tij shëndetësore jo e mirë. Po ashtu, nuk ishte i pranishëm në seancën plenare, si dhe mungoi në takimin me socialistët në Elbasan.
Gjatë një konferencë nga Ohri për mediat shqiptare, kreu i shtetit mohoi të ketë probleme shëndetësore. Ndërsa shtoi se i vinte keq që çështja e shëndetit të tij bëhej diskutim nga ata që kanë humbur pushtetin.
“Më vjen keq që shëndeti im është shpresa e atyre që humbin pushtetin. Skam probleme shëndetësore. Edhe sikur të kisha, besoj se nuk është kjo një rrugë fortë e respektueshme për të bërë politikë”, pohoi Rama.
Ndër të tjera, kryeministri ka treguar një nga arsyet pse ka munguar në daljet e tij publike.
“Lidhur me ligjin special shumë shpejt ne do ta bëjmë publik dhe më lejoni të mos nxjerr ende detaje. Kjo është edhe një arsyet e mungesës sime të zakonshme në publik. Kemi punuar me një grup të gjerë pune, me partnerë ndërkombëtarë dhe kemi grupuar shumë eksperienca botërore dhe kam vendosmërinë të hyjmë në një luftë të pa njohur më parë kundër krimit të organizuar dhe të marrim masa kundër prokurorëve dhe gjyqtarëve të grupit KÇK”, tha kreu i qeverisë.
