Taulant Balla i është përgjigjur në distancë presidentit Meta mbi vakancat në Gjykatën Kushtetuese. Ai ka thënë se të henën, Kuvendi do të zgjedhë dy anëtarët e tjerë të Kushtetueses. Sipas tij, Shqipëria ka përmbushur të gjitha kushtet e kërkura dhe tani do të bëjë një hapa para me reformën në drejtësi.
Këto deklarata Balla i bëri sot në takimin e PS-së në Parkun Olimpik të Tiranës, ku u prezantua kandidatët garues për zgjedhjet e PS-së më 16 nëntor, nën siglën “Ti Zgjedh”.
“Është e vërtetë që në mes të tetorit të kaluar KE nuk arriti të merrte vendimin për celjen e negociatave, por nuk duhet të jemi pesimiste. Qeveria jonë e drejtuar nga kryeministri Edi Rama i ka përmbushur të gjithë detyrimet që ka për fillimin e bisedimeve. Ne përmbyllim ditën e hënë fazën e parë të plotësimit të vakancave në gjykatën Kushtetuese, Kuvendi do të zgjedhë dy anëtarët e Kushtetueses të hënën. Për të mundësuar që deri në fund të janarit Kuvendi të ketë zgjedhur edhe anëtarin e tretë të gjykatës Kushtetuese që i takon Kuvendit të Shqipërisë. Ky është hap i rëndësishëm për të mundësuar që brenda pranverës ajo të jetë funksionale”-theksoi Balla.
Ai tha se brenda Krishtlindjeve do te përmbyllet edhe Reforma Zgjedhore, sipas rekomandimeve te OSBE-ODIHR.
“Do t’i kalojmë në kuvend për të qenë gati implementi i tyre për zgjedhjet e 2021. Dyhet të ndryshojmë rregullat për financimin e partive politike”- Tha Balla, duke iu referuar zhvillimeve me te fundit, teksa tha se “Drejtësia sapo vërtetoi që një parti politike ka falisifikuar deklarimet sa i përket financimit e ky është një akt i rëndë që tregon se rregulluat duhen forcuar që të mos lejojmë asnjë financim të huaj.”
