Moderatorja e njohur Fatma Methasani mbrëmjen e sotme ishte e ftuar në emisionin “Lart e Poshtë”.
Në një intervistë me gazetarin, Eraldo Rexho, Fatma ka folur për herë të parë për shtatzëninë dhe ka treguar se nuk ka qenë aspak e lehtë.
Ajo u shpreh se në fillim i është dashur të ushqehet vetëm me bukë, djathë dhe domate, pasi ushqimet e tjera nuk ia pranonte stomaku.
Megjithatë kjo periudhë ka kaluar dhe tani Fatma dhe Alfio po mendojnë për emrin e vogëlushit.
Moderatorja u shpreh se ende nuk e kanë vendosur, pasi Alfio kërkon një emër italian ndërsa ajo vetë, emër shqiptar.
Ndër të tjera, Methasani foli edhe për planet e martesës: “Besoj që do të bëjmë një dasmë kur të rritet djali, mendoj kur të bëjë 1 vjeç apo kur të rritet dhe pak.
Unë mendoja se Alfio bënte shaka kur më thoshte që ne do të martohemi dhe do na i sjellë djali ose vajza unazat. Unë thosha ça budallallëqesh po thotë, po do ti që kështu shkoi kjo punë”.
