Në takimin e përjavshëm të “Bashkëqeverisjes”, Kryeministri Rama lidhur me zhvillimet e fundit ka thënë se do të çojë në parlmanent një ligj të ri për KÇK. Emërtimin KÇK, Rama e ka përdorur për zyrtarë të veshur me petkun e pushtetit, por që veprojnë si organizatë kriminale.
Sipas tij, ligji dhe masat speciale do të jenë gati brenda nëntorit të këtij viti.
“Sot vijon të jetë e vështirë dhe e pamundur të shkosh në gjykatë për të zgjidhur problemin. Sot jemi në kushtet kur ka nisur pastrimi i sistemit të drejtësisë, Disa që janë në sistem dhe që e dinë se nuk kalojnë vetingut, janë lëshuar KCK. Kck është organizata më e rrezikshme kriminale që vepron në Shqipëri, sepse është e veshur me petakun e ligjit dhe funksionon si një organizatë e grabitëseve ordinerë. Per KCK po bëhemi gati, me një ligj special për ta çuar luftën në një nivel të pa ndodhur më parë, ne do të çojmë në parlament edhe disa masa speciale ndaj anëtarëve ndaj KCK. Të jeni të sigurt, më herët se vonë të gjithë do të shohin në praktikë dhe jo në fjalime, rezultate e një ofensive frontale që qeveria do të ndërmarrë ndaj krimit, qoftë ndaj KCK”-tha Rama.
