Në një prononcim për News24, prokurori Arjan Ndoj ka thënë se atentati i është bërë për shkak të detyrës. Ai ka theksuar se nuk ka frikë nga askush dhe se do ta lërë ngjarjen në dorë të prokurorisë për zbardhjen e plotë. Këtë prononcim ai e bëri sot nga reparti i ortopedisë në spitalin e Durrësit ku po kurohet.
“Ua kam lënë në dorë organeve të drejtësisë ta zbardhin ngjarjen. Unë nuk i trembem askujt, pasi nuk i kam borxhe askujt. Mediat kanë trilluar shumë histori për mua. Kam investuar 20 vite në punën time. Do flas në një moment tjetë për të gjithe ngjarjen, e cila ka ndodhur për shkak të Arjanit prokuror”, shprehet prokurori Ndoji.
Si pasojë e plumbave të atentatit të 1 nëntorit pranë mbikalimit te Shkozetit mbeti i plagosur prokurori Arjan Ndoj. Në makinë ndodhej dhe Aleksandër Laho, i njohur ndryshe si i forti i Sukthit. Policia ndaloi autorin e parë të dyshuar 34 vjeçarin Redjan Rraja, kushëri i deputetit socialist Rrahman Rraja
