Zbardhet identiteti i fierakut, të cilit iu sekuestruan pasuri të luajtshme dhe të paluajtshme me vlerë të përllogaritur 12 milionë euro. Arjan Shanaj gjurmohej nga policia prej vitesh për trafikimin e lëndëve narkotike nga Turqia në Shqipëri.
Më datë 20 qershor 2017, ai u arrestua në flagrancë së bashku me shtetasin grek Th. K. Sipas policisë, ata u kapën në Greqi me 20 kg kokainë, me vlerë të përafërt tregu rreth 800 000 euro.
“Ata merreshin me importimin, magazinimin, përzierjen, falsifikimin, ricertifikimin, trafikimin, transportimin dhe shpërndarjen e kokainës nga vende të Amerikës Latine”, njofton policia.
