Greqia ka miratuar ligjin aq shumë të diskutuar në lidhje me azilkërkuesit. Sipas tij synohet të frenohet numri në rritje i emigrantëve që arrijnë në Greqi.
Projekt-ligji prej 237 faqesh, i titulluar “mbrojtje ndërkombëtare dhe dispozita të tjera”, ka provokuar zemërimin e grupeve të drejtave të njeriut, organizatave të ndihmës dhe partive të opozitës. Të cilët pretendojnë se ligji do të kufizojë ashpër qasjen në masa mbrojtëse për azilkërkuesit dhe vonon hyrjen e të drejtës për punë.
Qeveria e re konservatore e Greqisë, është zotuar të forcojë rregullat e azilit. Të rrisë patrullimet detare për të parandaluar anijet e emigrantëve. Dhe për të dërguar 10,000 njerëz përsëri në Turqi vitin e ardhshëm.
Ndërkohë, Dunja Mijatovic, Komisionere e Këshillit të Evropës për të Drejtat e Njeriut ka ngritur alarmin për situatën e azilantëve në Greqi. Kjo e fundit vazhdon të jetë një nga pikat kryesore të hyrjes për njerëzit që kërkojnë azil në Evropë.
Pas një qëndrimi 5 ditor në Greqi, Mijatovic u shpreh se është e nevojshme të merren masa urgjente. Kjo pasi kushtet në të cilat jetojnë emigrantët janë të tmerrshme dhe të pashpresa. Komisioneria vizitoi kampe në ishujt Lesbos, Samos dhe në Corint, shkruan Tirana Today.
“Situata e emigrantëve, përfshirë azilkërkuesit, në ishujt Greke të Egjeut, është përkeqësuar në mënyrë dramatike gjatë 12 muajve të fundit. Nevojiten masa urgjente për të adresuar kushtet e dëshpëruara në të cilat po jetojnë mijëra qenie njerëzore. Ajo që ne shohim në praktikë po më thotë se të drejtat e njeriut nuk respektohen. Kjo është një situatë e papranueshme.”
Mijatovic shtoi se në vend janë rreth 100,000 refugjatë dhe emigrantë. Pavarësisht lëvizjes së njerëzve në vende të tjera, përsëri janë mbi 34,000 persona të cilët jetojnë në kampet e mbipopulluara në ishujt grek.
“Ekziston një mungesë e qarë e kujdesit mjekësor dhe kanalizimeve në kampe shumë të mbipopulluara që kam vizituar. Njerëzit radhiten me orë të tëra për të marrë ushqim dhe për të shkuar në banjot kur ato ekzistojnë.
Në Samos, familjet po copëtojnë shkëmbinjtë për të krijuar pak hapësirë në kodra të pjerrëta. Për të vendosur strehët e tyre të paracaktuara, të bëra shpesh nga pemë që ata kanë prerë vetë. Kjo nuk ka më asnjë lidhje me pritjen e azilkërkuesve. Kjo është bërë një luftë për mbijetesë.
Njerëzit po vuajnë jashtëzakonisht shumë. Nuk është diçka që mund të vazhdoj ta shikoj pa ngritur zërin tim … ajo që mund të vlerësoj është se nuk ka vullnet të mjaftueshëm politik. Në një farë mënyre, ne nuk po tregojmë se Evropa është një vend ku respektohen të drejtat e njeriut. Nuk është vetëm Greqia.”
Mijatoviç u kërkoi autoriteteve Greke të shpejtojnë transferimet nga ishujt. Dhe të rritin kapacitetet e spitaleve lokale që aktualisht nuk kanë mundësi për t’i ofruar shërbime të plota.
Ajo gjithashtu u bëri thirrje shteteve të tjera të BE-së që të ofrojnë më shumë mbështetje financiare. Duke pranuar më shumë azilkërkues, veçanërisht të mitur të pashoqëruar që tani numërojnë mbi 4,000./ Burimi: Daily Mail, The Gurdian / Përshtati: Tirana Today
