Fermerët e Lushnjës kanë dalë sërish për të protestuar. Ata ankohen se shteti fut prodhime nga jashtë dhe prodhimet e tyre ngelen pa shitur. “Marr lekë nga pensioni i babait dhe ble pesticidet për serën time. Jemi të falimentuar”, është shprehur një nga fermerët.
Kërkesat e fermerëve të Lushnjës:
1) Subvencion i drejtpërdrejtë për njësi prodhimi tek fermeri;
2) Vlerësim e kompensim financiar me çmim dysheme në raste të humbjes së prodhimit dhe fatkeqësive natyrore;
3) Ndërhyrja në paketën fiskale të vitit 2020 ku TVSH të jetë e njëjtë si në shitje dhe në blerje;
4) Garantimi i shërbimit të ekstensionit nga ministria e bujqësisë dhe laborator analizash për produktet;
5) Qeveria arbitër mes palëve tregtuese-fermerë për rregullimin e tregut.
