Kryetari i PBDNJ-së, Vangjel Dule, iu ka bërë thirrje mediave që të zbulojnë të vërtetën për vdekjen e Kacifas, pasi ka kaluar 1 vit tashmë dhe ende nuk është zbardhur ngjarja.
Pas përfundimit të ceremonisë përkujtimore, Dule komentoi edhe deklaratën e nënës së Kostandin Kacifasit e cila bëri thirrje për luftë dhe dhunë. Sipas tij, ky reagim erdhi për shkak të gjendjes së rënduar emocionale.
“Sot ende nuk kemi një dokument. Kujt i intereson që kjo ngjarje të mos zbardhet?!. Duhet të qëndrojmë deri në fund në nxjerrjen e dimensionit të së vërtetës
Çdo familje kujdeset për shtëpinë e vet. Ju jeni gazetarë që punoni në Shqipëri, unë jam politikan që ushtron funksionin e tij në Shqipëri. Duhet të shikojmë si funksionojnë gjërat në shtëpinë tonë dhe jashtë. Nëse doni të flasim për shtetin e së drejtës në Shqipëri janë gjë tjetër.
Kushdo që pengon zbardhjen e së vërtetës sjell dëm në vend. Mos komentoni deklarata të një gruaje që ka humbur të birin.
Në 29 nëntor të vitit të kaluar, unë kam bërë disa deklarata. Jo çdo gjë ndodh nga dëshira juaj për të bërë lajme dhe nga klikimet tuaja. Mos u bëni palë të mendjeve dhe të duarve vrastare që nuk duan të vërtetën. Jua them dashamirësisht.
Prej disa ditësh po lëviz në Sarandë dhe Gjirokastër. Ka forca policore të shumta në Gjirokastër me mjete të sofistikuar që është në kundërshtim. Historikisht, edhe me statistika Dropulli është zona me kriminalitetin më të ulët në Shqipëri”, tha ai.
