Nuk duket të ketë qetësi për Greqinë e cila është tronditur sërish nga një tjetër tërmet, në orët e mesnatës.
Sipas mediave greke, epiqendra e tërmetit 4.6 ballë ka qenë Rodosi. Ndërkohë të dhënat nga Instituti Evropian Mesdhetar tregojnë se tërmeti ka rënë rreth orës 00:06 pas mesnatës, në një zonë nënujore pranë Rodosit.
Sipas EMSC, thellësia fokale e tërmetit vlerësohet në 2 km. Kujtojmë se në muajt e fundit, shteti helen është prekur vazhdimisht nga lëkundje të forta të tërmeteve, prej të cilave fatmirësisht nuk ka pasur viktima por ka pasur dëme të konsiderueshme materiale.
