2 mijë klientë që furnizoheshin me lëndë narkotike nga një bandë shqiptare, kanë marrë një mesazh nga policia britanike, duke u ofruar atyre mbështetje për abuzimin me këto substanca.
Sipas mediave britanike, banda shqiptare furnizonte me kokainë punëtorët e qendrës financiare të Londrës. Në mesazh thuhej se tregtarët me të cilët ata ishin lidhur me telefon ishin arrestuar dhe se klientët e tyre ishin duke u kontaktuar për t’u dhënë ndihmë.
Ndërkohë, policia britanike ka bërë publik edhe identitetin e dy drejtuesve shqiptarë të rrjetit: Bledar Ponari, 28 vjeç dhe Fjoralb Fera, 21vjeç.
12 shqiptarë (korrierë të drejtuesve) janë kapur me 1.2 kg kokainë me vlerë 144,000 £, dokumente të rreme identiteti dhe 20,000 £ para të gatshme. Ata janë burgosur midis 25 dhe 64 muaj në gjykatën mbretërore të Inner në Londër dhe Old Bailey gjatë 12 muajve të fundit.
Këta korrierë shpërndanin nëpërmjet telefonave lëndë narkotike në rrethin financiar në Londër.
