Gjykata e Krimeve të Rënda ka nisur hetimet për kroatin Sadat Toskiç i dyshuar si rrëmbyes i katër fëmijëve, mes tyre edhe Bleona Mata dhe 7-vjeçari Mitat Ibrahimi nga fshati Goran i Mesëm i Maqedonisë së Veriut.
Nëna e Bleona Matës deklaroi në studion e Report Tv se e ka parë edhe njëherë në fshat kroatin e dyshuar, në ditën e rrëmbimit të saj.
“Kroacia ka lidhje shumë të fortë me fshatin tonë. Ky person është parë dy tre herë atje. Ai ka pasur rrugëdalje në fshat. E kam parë me sytë e mi. E kam parë në një dasmë por edhe ditën që ka humbur vajza. Dikush na ka thënë se ka qenë një person me kapuç në kokë. Një pjesë e mirë e bashkëfshatarëve të mi jetojnë në Kroaci dhe kjo të bën të dyshosh. Vajza ime është vetëm, po vuan dënim pa bërë krim. Ajo po vuan atë dënim, por nuk bën dot as një telefonatë”, tha ajo.
