15 persona të së njëjtës familje janë përfshirë në një sherr mbrëmjen e djeshme në qytetin e Rahovecit.
Sipas zëdhënëses së Policisë së Gjakovës, Lirije Podrimja tre persona që kanë marrë plagë më të rënda u dërguan në Spitalin e Gjakovës. Lajmin e ka konfirmuar vetë Podrimja për “gazetën express”.
Gjendja e tyre shëndetësore paraqitet e qëndrueshme, ndërsa dyshohet se ngjarja ka ndodhur për çështje pronësie.
“Mund të ju konfirmoj se rrahja është raportuar në stacionin policor mbrëmë rreth orës 19:56, ka ndodhur në rrugën “Haxhi Sharku” në Rahovec. Të gjithë janë familjarë mes vete por që jetojnë ndaras. Në rrahje janë përfshirë 15 persona. 3 persona janë ndalë në spitalin e Gjakovës për trajtim të mëtutjeshëm, të tjerët janë liruar për në shtëpi. Sipas mjekëve, gjendja është stabile dhe jashtë rrezikut për jetën”, konfirmoi Podrimaj.
Po ashtu, zëdhënësja thekson se gjatë rrahjes janë përdorur mjete të forta.
