Pas përfundimit të procesit të votimeve për zgjedhjet vendore në Kosovë, ka ardhur reagimi i partisë LDK. Në një konferencë për mediat, në zyrat qendrore të partisë, shefi i shtabit zgjedhor të LDK-së, Lutfi Haziri, u shpreh se kanë dalë si partia e parë.
“Nga ana e LDK-së është e qartë se kemi një përparësi të lehtë apo udhëheqje ndaj VV-së, ata janë parti e dytë”, tha Haziri.
Sa i përket zërave që thonë se Vetëvendosja është e para, ai deklaron se nuk është e vërtetë.
“Le të jenë të bindur të gjitha ata që po thonë ndryshe se LDK-ja në këto zgjedhje del e para”, shtoi ai.
Për exit-pollin e Klan Kosovës ai tha se edhe është rezultat i saktë dhe befasohet pse nuk ka dalë PDK-ja e para aty.
“Exit-polli i Klan Kosovës e ka dhënë një rezultat të saktë edhe pse ai exit-poll është i PDK-së, andaj edhe çuditem pse nuk e ka qitë PDK-në të parën”, vijoi Haziri.
