Avokati Spartak Ngjela, i ftuar në studion e lajmeve në RTV Ora, u shpreh se vonesa në dhënien e vendimit nga Gjykata e Krimeve të Rënda, është në favor të ish-ministrit Saimir Tahiri.
“Vonesa është në favor të Tahirit. Duhet të jetë ndarë gjykata. Ose pastaj vendosin ta japin që sot vendimin e arsyetuar, e kanë marrë vendimin dhe po e arsyetojnë. Por kjo është më e zbehtë.
Kurse më e sakta është kjo tjetra, do të ketë konflikt të brendshëm në gjykatë. Nuk e di si do rrjedhë situata juridike e arsyetimit, por nëse është e vërtetë ajo e radarëve, që tha Tahiri, se ata e kishin provë të fortë fikjen e radarëve. Ky i paska gjetur të hequra radarët nga paraardhësit. Kjo është një provë e fortë në kuptimin e provave indirekte. Të shohim sa do ti arsyetojë Gjykata me pafajësi apo fajësi. Ai bëri mirë që hyri në betejë legale, e vetmja rrugë kjo ishte”, ka thënë ai.
Tashmë kanë kaluar disa orë, dhe gjykata nuk ka arritur të dalë me një vendim. Përgjatë këtyre orëve ka pasur tension dhe ankth në gjykatë. Gjithashtu gjatë gjithë kohës kanë qëndruar në ambientet e gjykatës dhe përfaqësues të përfaqësive diplomatike të akredituara në vendin tonë. Ende nuk ka konfirmim zyrtar se kur do të shpallet vendimi.
