Partia Demokratike me anë të ish-deputetes Jorida Tabaku, ka reaguar pas dorëheqjes së Sonila Qatos. Ajo njofton se dorëheqja është firmosur që dje, por u publikua sot për të tërhequr vëmendjen nga gjyqi kundër Saimir Tahirit.
Në komentin e radhës në Facebook, Tabaku citon faktin se Rama largoi nga detyra e Drejtoreshën e Agjencisë së Rrugëve, Sonila Qato, konkretisht 1 orë përpara se gjykata të marrë vendimin për Saimir Tahirin. Po kështu Tabaku bën me dije se asgjë nuk do të harrohet, dhe se çdo aferë korruptive do t’i bëhet e njohur publikut.
Statusi
Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtoreshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Nje doreheqje qe ka qene gati qe dje e firmosur!
Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, I Belinda Ballukut dhe I kompanive me të cilat, Rama, bashke me to, vjedh shqiptarët!
Asgjë nuk do të harrohet! Çdo aferë korruptive do t’i bëhet e njohur publikut!
Partia Demokratike do të sjellë që nesër prova për skandalin që detyroi Sonila Qaton të largohet.
