Pas publikimit të video-skandalit në emisionin “Stop”, ku pedagogu Denis Himçi i kërkonte favore seksuale studentes në këmbim të kalimit të provimeve të mbartura, uniformat blu reaguan menjëherë duke e ndaluar dhe shoqëruar në komisariat.
Por sa rrezikon të dënohet pedagogu?
Mbrëmjen e së mërkurës në emisionin “Opinion”, avokatët thanë se nëse shpallet i fajshëm, Himçi rrezikon 2 deri në 8 vite burg.
“Sa dënohet? 2 deri në 8 vite në këtë rast. Këtu kemi edhe një aspekt tjetër, që mendoj se mbase duhet të shihet, ashpërsimi i goditjes së përfitimit seksual si një formë e përfitimit jomaterial. Duke parë rastet që është kthyer në një fenomen, mbase shoqëria shqiptare duhet ta ashpërsojë si cilësim ligjor të veçantë”, u shpreh avokatja Arnida Çapi. /tvklan.al
