Një incident i rëndë është regjistruar ditën e sotme në Vlorë, ku dy shoferë makinash janë konfrontuar për arsye banale.
Dëshmitarët rrëfejnë se gjatë parakalimit një prej makinave nuk i ka hapur rrugën tjetrës, çka ka bërë që drejtuesi i mjetit tip ‘Mercedesit’ të godasë mjetin ngjyrë blu.
Në videon e siguruar nga BalkanWeb, shihet drejtuesi i mjetit blu teksa del nga makina dhe fillimisht fotografon targën, ndërsa më pas godet drejtuesin e ‘Mercedesit’.
Bashkëshortja e tij ndërkohë tenton t’i ndajë por ai nuk është ndalur duke vijuar ta godasë drejtuesin tjetër. Më pas duket se ka qenë ndërhyrja e një djali të ri që gjakrat të qetësoheshin dhe drejtuesi i ‘Mercedesit’ të largohej.
