Pas përfundimit të takimit në Kryeministri, Edi Rama i akorduar Presidentit të këshillit Evropian, Donald Tusk, medaljen “Ylli i Madh i Mirënjohjes”. Përmes saj, i shpreh vlerësimet e larta për punën që ai ka bërë për integrimin e Shqipërisë në Bashkimin Evropian.
Gjatë një konference për mediat, kreu i KE nënvizoi se medalja më e madhe për të do të ishte hapja e negociatave të Shqipërisë me BE.
“Sot ju më thatë që unë e meritoj këtë medalje, jo vetëm personalisht, por edhe për mbështetjen e dhënë për procesin e integrimit, medalja më e madhe për mua do të ishte çelja e negociatave për Shqipërinë. Sot mund të them që në saj të përpjekjeve tuaja i jemi afruar këtij objektivi dhe askush nuk duhet të ketë as dyshimin më të vogël, as këtu në Tiranë dhe as në kryeqytete e vendeve të BE”, deklaroi Tusk.
Ndër të tjera, ai u shpreh: “Nuk do të mund të ketë Europë të sigurt pa integrimin e Ballkanit Perëndimorë në BE. Kjo do të thotë që askush nuk po i bën askujt ndonjë nder.”
Vizita e Donald Tusk përkon me përgjigjen e BE-së në 18 tetor për hapjen e negociatave të Shqipërisë.
